სიყვარულის მელოდია..

სიყვარული არის მელოდია, რომელიც ცხოვრებას ბექგრაუნდად გასდევს..

ეს არის ამაღელვებელი ცეკვა, რომელიც გვაშორებს სამყაროს, თუმცა ამავდროულად გვაახლოვებს..
ანთებს გულებს ისე მძვინვარედ, რომ შეუძლია გაანათოს ჩვენი გულის ყველაზე ბნელი კუთხეები..

სიყვარული არ არის მხოლოდ ემოცია.. ეს არის მიზანი, მიზეზი, რომ გვიხაროდეს ყოველი დღე! ვიცოცხლოთ იმედით გულებში და ოცნებებით ჩვენს თვალებში!

სწორედ სიყვარული გვეხმარება შევითვისოთ სხვა სული და გავაერთიანოთ ჩვენი ისტორიები.. ლიტერატურაში, ამ მარადიულ გრძნობას დიდი ადგილი უკავია..

ამ ბლოგში განვიხილავთ რამდენიმე ლიტერატურულ ნაწარმოებს, რომლებიც ღრმად სწვდებიან სიყვარულისა და ურთიერთობების არსს, ასახავს იმ სილამაზესა და სირთულეს, რაც თან ახლავს იმას, რომ ნამდვილად გიყვარდეს და უყვარდე..

ჯონ გრინის „ბედის ვარსკვლავის ბრალია“ – გვიამბობს ახალგაზრდა შეყვარებულების, ჰეზელისა და აუგუსტუსის, ისტორიას, რომლებიც შეძლებენ სიყვარულის გრძნობის აღმოაჩენას, მიუხედავად მათ ცხოვრებაში სერიოზული სირთულეების არსებობისა.. ეს რომანი გვაჩვენებს, როგორ შეუძლია სიყვარულს გაანათოს სიბნელე და გააძლიეროს ადამიანი, მაშინაც კი, როდესაც ცხოვრება გაურკვეველი და რთულია..

სიყვარული არ არის მხოლოდ ბედნიერების მომტანი; ის ასევე მოითხოვს პასუხისმგებლობას და მზადყოფნას, იბრძოლო იმ ადამიანებისთვის, ვისაც უყვარხარ.. ჰეზელი და აუგუსტუსი ერთმანეთისთვის უსაფრთხო თავშესაფრქად გადაიქცევიან..

ნიკოლას სპარქსის „დღიური“ – ნიკოლას სპარქსის „დღიური“ მოგვითხრობს ნოასა და ელის მარადიული სიყვარულის ისტორიას.. მათი რომანი მკაფიო გამოხატულებაა იმ აზრის, რომ ჭეშმარიტ სიყვარულს შეუძლია გაუძლოს განსაცდელებს და განშორებას..

ვფიქრობ, ამ რომანის წაკითხვა გულწრფელი ემოციების გარეშე შეუძლებელია.. რომანი გვასწავლის, რომ ცხოვრებაში ვაკეთებთ არჩევანს, რომელიც ჩვენს გრძნობებსა და ურთიერთობებზე მოქმედებს..
ნოას და ელის ისტორია გვასწავლის, რომ მართალია სიყვარული შეიძლება იყოს ძლიერი, მაგრამ სხვა ფაქტორები, როგორიცაა დრო და გარემოებები, ქმნიან სირთულეებს.. თუმცა, სიყვარულმა ყოველთვის უნდა იპოვოს ხსნა, რომ  დავიბრუნოთ ის, რაც ჩვენი გულის ნაწილია..

პაულო კოელიოს „ალქიმიკოსი“ – პაულო კოელიოს „ალქიმიკოსი“ არის ფილოსოფიური რომანი, რომელიც გვასწავლის, როგორ უნდა გავიცნოთ საკუთარი თავი და გავაკეთოთ ყველაფერი, რათა მივაღწიოთ ჩვენს ოცნებებს.. იგი წარმოადგენს იმ ადამიანებს, რომლებიც მუდამ ეძებენ საკუთარ მიზანს და ცხოვრებაში არსებულ ფასეულობებს.. 

რომანში ძალიან მნიშვნელოვანი ადგილი აქვს სიყვარულს, რომელიც სანტიაგოს ცხოვრების არსს ქმნის.. ის შეხვდება ფატიმას, რომელიც არა მხოლოდ მისი გულის ანარეკლი, არამედ მისი ოცნების რეალიზების ნაწილი ხდება..

კოელიო გვიჩვენებს, რომ ჭეშმარიტი სიყვარული დაბრკოლება კი არა, ჩვენი ზრდის და განვითარების მხარდამჭერი უნდა იყოს! ფატიმა სანტიაგოს იმედის მიმცემია იმ კუთხით, რომ იმ ყველაფრის მიუხედავად, რაც შეიძლება ადამიანს გზად გადაგხდეს, სიყვარული ყოველთვის მყარად უნდა იდგეს..

როდესაც ვმოგზაურობთ ამ ლიტერატურული შედევრების ფურცლებზე, ვაცნობიერებთ, რომ სიყვარული არ არის ცალკეული გამოცდილება, არამედ ემოციების ნაზავია, რომელიც აყალიბებს ჩვენს არსებობას..

სიყვარულს შეუძლია თავბრუდამხვევ სიმაღლეებამდე აგვიყვანოს, მაგრამ ასევე შეიძლება ჩვენი მწუხარების სიღრმემდე მიგვიყვანოს..

თითოეულ ამბავში, რომელიც ამ ბლოგშია, ჩვენ ვხედავთ ჩვენი გულის ანარეკლებს – ჩვენს იმედებს, ჩვენს შიშებს და სიყვარულისადმი შეუქცევად სწრაფვას..

საბოლოო ჯამში, სიყვარული არის დიდი მოგზაურობა, მშვენიერი, ხმაურიანი გასეირნება, რომელიც მოითხოვს გამბედაობას..
უნდა ვიცოდეთ, რომ სიყვარული, მისი ყველა ფორმით, არის ის, რაც გვაქცევს ადამიანებად, ანთებს ჩვენს სულებს და გვხელმძღვანელობს ჩვენს გზაზე.. 

მიეცით სიყვარულს საშუალება, გაანათოს თქვენი ცხოვრება, რადგან მასში ჩვენ ვპოულობთ არა მხოლოდ საკუთარ თავს, არამედ იმ მიზანს, რომელიც აძლიერებს ჩვენს არსებობას!

სიყვარულით,
ნინო კიზირია 🌸